Di äinte Nochbere ferzelled
Das isch de erschti Täil fom Podcast "Wer isch Pfrau Fajferman gsi?"
Er isch am 20. Mai 2019 usecho. - Tduur: 20 Minute.
Nämed Si zum Lose Chopfhörer! - Die Ufnaame sind nid us em Radioschtudio, es isch fil Dräck debii und Ggrüüsch sind au wichtig.
Abelade got läider nid.
Und do got's zrugg zur Uswaal.
Aamerkige zum erschte Täil:
- S Höötal isch in Änepbade (=Ennetbaden / AG).
- Tschtägehuus-Grüüsch sind original - no immer di gliiche wie damols! Au Pwöschchuchi- und Tluftschutzchäller-Türene töned no immer gliich.
Tschritt sind aber natürli nümm die fo de Frau Fajferman.
- De Moler het Spillmann ghäisse, nid öppe Briner. Gnauers ferzellt denn s Muetti, s nèchschte Mol.
- De Moser, wo si mit em ferhürotet gsi isch, het Johann ghäisse, de Soon Freddy, und Kkind fom Freddy suech i. - Wer wäis öppis über si?
Schriibed Si mir, wenn Si öppis wüssed!
- Bee-Bee-Tsee: Damols e wichtigi Arbetgeberi fo de Region Bade / Brugg. Hütt häisst's A-Bee-Bee. Mee über die Firma im fierte Täil.
- A-Ha-Vau: Pfrau Fajferman het de Joorgang 1917 gha und isch 1979 pensioniert worde. (Damals isch's für Pfraue no mit 62-i gsi!)
- Königsfälde-n-isch di psüchiatrischi Klinik i de Region Bade / Brugg.
- S Wetzels, das sind Pbuure-n-am Lägere-Nordhang, oisem Block gegenüber - nid z'ferwächsle mit de Wii-Puure Wetzel am Südhang.
- Us em Papier fo de Migro-Schoggi, wo Pfrau Fajferman amigs kkauft und ferschänkt het, hämmer de Umschlag fo oisem Romänli gmacht.
- ... und immer wider froged Tlütt: Wurum het sich Pfrau Fajferman umpbrocht?
D Antwort isch glaub i: Us unglücklicher Liebi zum falsche Ma.
Und chaufed Si s Romänli!
Demit underschtützed Si de Podcast - und erfaared, wie mini Röschersche-n-usgange-n-isch!
Bschtelled Si's under: lorenz@mikroskoptheater.ch
Es choschtet 7 Franke, plus Porto.